منتديات عنزة الوائلية الرسمية

منتديات عنزة الوائلية الرسمية (http://www.3nazh.net/vb/index.php)
-   ˚ஐ˚ديوان شعــــــراء المنتدى˚ஐ˚ (http://www.3nazh.net/vb/forumdisplay.php?f=30)
-   -   ديوان :(بدر بشير التركي) (http://www.3nazh.net/vb/showthread.php?t=34945)

نايف عبدالله الركابي 14-01-2011 04:04 AM

ديوان :(بدر بشير التركي)
 


قصيــــــــدة الزعيــــــــــــم

http://www.3nazh.com/vb/picture.php?...&pictureid=591


جاها الزعيم اللي يقـود الركايـب=بينه وبين مصافح المجـد ميعـاد
يمشي لهـا بالمرهفـات الحدايـب=مثل السعيرة تبتدي قدحـة أزنـاد
ويوم اقبلت به فوق عوص النجايب=صقر الجزيرة فوقها يرعد أرعـاد
عبدالعزيز اللي يـدوس الصعايـب=عنده جلـد لـو اللواهيـب وقـاد
معزي على أسمه بالليال العصايـب=سم على خصمه كما المـوت وراد
كم عايل حطـت عليـه النصايـب=تحت الثرى له بين الأموات مرقاد
عز الضعيف اللي يشوف الغلايـب=ساطي صليب الراي لخطاه عـداد
ساسـة كـرم ماغيرتـه النوايـب =صدره وسيـع وللجزيـلات مـداد
خـلا الذلـول مـدلله بالهـدايـب=وحجر اليمامة فكها والرخـا سـاد
بذرة بذرهـا بالريـاض الخصايـب=وخيره كثـر والكـل للخير حصـاد
شامت له البضاء بشقـر الذوايـب=وأعلن محبتها على روس الأشهاد
واللي يجيها راح راسـه حطايـب=بمهنـد لاقصـى المعاليـق بجـاد
ولجل العقيـدة ساندتـه الكتايـب=وعلى العهد ساروا جماعات وأفراد
واللي سعى للدين ما عـاد خايـب=نصره من الباري ولاهـاب حسـاد
وحد صفوف الشعب وفك النشايـب=وعز الجزيرة عاد للفجر ميلاد
وكلن رجع للحق والحـق صايـب=وسيف العدل منصور وللظلم جـلاد
مرت سنين وفيصل الحـق غايـب=عله لها بالقلـب مصـدر وميـراد
سيرة بها التاريخ شاف الغرايـب=ضاع الترابط وانتهت فيه الأمجـاد
أول حياة النـاس سلـب ونهايـب=يصبح غني المال ويمسي بـلا زاد
خوف وفقر والجوع حشده سرايب=هد الجسد ومدافـع الجـوع مافـاد
يا ما تـروح أرواح بليـا سبايـب=واللي أنجرح ماله عن الجرح ضمّاد
ذكرى مريرة خاضهـا بالحرايـب=دارت رحاه وكلهـا حقـد وأحقـاد
واللي يموت ولا نفعتـه الطلايـب=واللي يشـب النـار للنـار خمـاد
واللي وطاه الوقت والراس شايـب=مضٌى حياته كلهـا جهـد وأجهـاد
وسم الزمن بيديه والجلـد ذايـب=عايش عذاب ولاأهتنى الجفن برقاد
يمشي يجر أخطاه والساق عايـب=في نظرته نلمح تواريـخ الأجـداد
بين اللظا والبرد ولفـح الهبايـب=قسمة من الدنيا غرابيـل وأنكـاد
أول حياتـه بالشقـا والمصـايـب=ولالوم عينه لو شكت دمع وأسهاد
همه كبيـر وقـاد صـدره لهايـب=ومع كل هاجس بين الأضلاع يزداد
جرحه عميق ولا نفعتـه الطبايـب=ومات السند ولاله مع الناس نشـاد
يالله طلبتـك ياجزيـل الوهـايـب=ياللي لغيرك ما انحنى الراس سجاد
يامرسل النسمة تسوق السحايـب=يا غافـر زلات عبـدك ليـا عـاد
تحفظ لنا سطـم الكبـود العطايـب=درع الجزيـرة وللمعاديـن هجـاد
ال السعـود مطوعيـن الصعايـب=حكامنا فـي نصـرة الديـن رواد
عدوهـم لا شافهـم عـاد هايـب=يرتاب لو انه على الكـون معتـاد
والحمـدالله يـوم صرنـا حبايـب=وأستبشرت عسر الليالي بالاعيـاد

نايف عبدالله الركابي 14-01-2011 04:07 AM

رد: ديوان الشاعر (بدر بشير التركي)
 
واشقاااا العين

كيف أبدله وأنا بعالم غريب= ضاقت النفس بالكون الرحيب
أزعج الصــوت ولاليه مجيب = عايشٍ مع شـــــريط الذّكـريات
بعزلتي أقضـــي الليل الطويل = والجســـــد هده الحمل الثقيل
ولايهنى النـوم والخافق عليل = ساهرٍ مـع نجـــــــــومٍ ساريات
دمع عيني علـى خـدي سفوح = غصب عني عـن أوجاعي يبــوح
وشقا العين مـن كثر الجـروح = وعــــــذاب العيـــــــون الباكيات
ياهلي دونكم ماني سعــــــيد = دنيتي مظلمــــــــة وأنا بعيـد
ياعسى أيامنا الحلوة تعيــــد = وأهتني مـــع قلـــــــــــوبٍ هانيات
لاذكرتوا مع الذكــرى سليت = ولليـــال الجميـــــلة مانسيت
باقية في حياتي ماحييت = عـــزوتي بالسنين القاسيــــــــات
الورق دون عـــــرقه مايعيش = ومايطير الصقــر من غير ريش
والرجل دون عــزوة مايهيش = تفترسه الأســـــــــود الضاريات
يالله أنــــــــي طلبتك ياعظيم = أنت ما غيرك البــر الكـــــريم
تجلي الكــــرب عني يارحيم = ربي تعلـــم جميـــــــــــع الخافيات

نايف عبدالله الركابي 14-01-2011 04:09 AM

رد: ديوان الشاعر (بدر بشير التركي)
 
يااااا ابليس

سقت القوافي وشدتني تماثيلك= واسرجت أنا الخيل وشمسي عينها حيّة
يابن آدام ياشين حالك لاارتكى شيلك = يصير بك من أوسوم الوقت مارية
وياضارب درب الوعر تصعب محاويلك = الليل مقبل ودون الورد مهويّة
امش بطريق السهل وأعرف منازيلك= وافهم شمال الهدف ولا جنوبيّة
ياأبليس بامر الولي تبطل محابيلك = الوصل باقي وأحبال البعد مطويّة
ياأبليس بين البشرماكثر مداخيلك = خليت قلوب البشر بالحقد ممليّة
صديقك اللي بصدق النصح يسديلك= يعطيك من منبع الإخلاص صافيّة
أخلص وخل الوفا لاقصى بنخيلك = وأحسب حساب الرديّة وأدمح السيّة
وجنب عدوٍ على الحقران ناويلك = وخلك حريصٍ من الديبان والحيّة
ويامخيل البرق لاتبعد مخاييلك = الحمد لله على شي أنكتب ليّة
ياليت تضوي على زرعك قناديلك = نعرف قديم الأثر والأرض ماطيّة
عزيلك من السنين العجف عزيلك = والوقت نصبر على مره وحاليّة

نايف عبدالله الركابي 14-01-2011 04:11 AM

رد: ديوان الشاعر (بدر بشير التركي)
 
أنتي وأنا

......... ناديت لك من قلب وإحساسي = وأكيد باللـــــــــي بقلبي لك تحسينـي
مسكانك القلب وقدرك أعتلا راســــي = واغطاك حبي وطيبي داخل العينــي
إيوالله حبـــك بقلبــــــي مـاله أقياسـي =وأنا ادري إني بقلبك مانسيتينــــــــي
غلاك مثل الجبل فـي خافقي راســـي = ماتحــــركه ريح ولا تهزه براكينــي
العمــــر لجلك فـــدا يازين أللباســي =مادمت أنا حــــي مســـكانك شراييني
جلسه معك لحظــةٍ تزيل هوجاســـي =وصـوتك يحرك مشاعر صادقة فيني
شعري كتبته وفــا يا عذب ألأنفاسي = وأبديت لك ربع حبـي يا نظر عينـــي
بوح المشاعر دفعني يا قــرب الناسي = وسعادتك بالزمـــن والوصل يكفيني
نثرت لك كل أورودي وسط كراسي = نثرتها لك غــــــــــلا يا بلسم أسنيني
أنتي و أنا ياغذاء روحي ونبراسي = مضرب مثل للوفا بين المحبيني

نايف عبدالله الركابي 14-01-2011 04:11 AM

رد: ديوان الشاعر (بدر بشير التركي)
 
يا الوااااافية


يالوافية من يجرح القلب بيديه=ياصعبها لأجبرت دون اختياري
مدام همي داخل القلب مخفيه= وشلون أبااسلا ياكثير الطواري
ومدام حظي عاندانسان مابيه =وين المكان اللي يرد اعتباري
ياكثر مايشكي من الليل ساريه=من خوف مايطلع عليه النهاري
السيل مايجري على غير واديه=الله خلق له بالبسيطة مساري

نايف عبدالله الركابي 14-01-2011 04:21 AM

رد: ديوان الشاعر (بدر بشير التركي)
 
قصيدة أعادت الزوج إلى زوجته


أرجع لنا يابوي ياشمعة البيت = وشلون تتركنا بعيشة كسيفة
توي صغيرة ليه عني تخليت = ماتدري أني دون عزك ضعيفة
ناديت لك من قلب وأحساس ناديت= وين الّذي يمسح دموعٍ ذريفة
الله وكبر كيف مني تبّريت = وحرمتني لمسة كفوفٍ لطيفة
أمي بكت من نظرتي يوم قفّيت= طفلة على أمواج السنين المخيفة
وضمتني اللي في ذراها تدفيت = رغم الظروف القاسية والعنيفة
ياليت لو مرة على البيت مريت= وتشوف حالي والعظام النحيفة

نايف عبدالله الركابي 14-01-2011 04:25 AM

رد: ديوان الشاعر (بدر بشير التركي)
 
مرثية "أمي"


أمي توفت يا خواتي وانا اشوف=قدام عيني بوسط السوق بالحال
زادت جروحي والبلا داخل الجوف=صرخة صداها بالحشا سم قتال
يوم كشفت الراس والوجه منصوف =وضميتها ودمعي على الخد همال
وشيلت وانا كني من العقل مخطوف=وحطت على الاسعاف من فوق نقال
قلبي رثى اللي بالغلا نايفه نوف=أم اليتامى زينة القلب والبال
ياما حضنتنا في ليالي بها الخوف=وياما نقلتنا من لظى الشمس بظلال
وياما تحمل لجلنا كل ملقوف=وياما صبرت يوم الدهر ضدنا مال
ياليتني أقدر على رد معروف=وياليتني أقدر على رد مثقال
يالله عساها بروض بالورد محفوف=وتجعل لها في جنة الخلد منزال
الادمي لابد بالخام ملفوف=والرمل فوق الراس بالقبر ينهال
والكل من دنياه للموت مزفوف=واللي قضى عمره عن الناس رحال

http://www.m5zn.com/uploads/2010/8/2...ynwsf211bg.jpg

راكان الناهس 14-01-2011 02:31 PM

رد: ديوان الشاعر (بدر بشير التركي)
 


ديوان شاعر كبير بطرحه الكبير وقضاياه الشعريه التي لها الاثر الكبير في نفوسنا
وفقك الله بو عبدالله وسدد خطاك .

المهاجرة 02-06-2011 04:46 AM

رد: ديوان :(بدر بشير التركي)
 
كلي فداء لأطهر ثرى

بسم الكريم المعتلي أبدا الكلام = واثني صلاتي بالنبـي خير الأنام
ومن بعدها أزكى التحية والسـلام = منظومةٍ بالورد والدّر الثمين
هبت رياح الجــــــود وحيّتها الشمال = وساقت مزون الحب همـــال الخيال
واستبشرت بالغيث حبات الرمـال = وعم الحيا بالأرض والعرق الدفين
وطير السعد ينشـد على غصون الشجر = يطربك بالحانه على مد النظر
مـــن فرحته رف الجناحين وشهـر = شادي شدا بالصوت وهيّضت الكنين
وعــــــــــذب القوافي جاوبت وبلٍ هميل = ينبوعها صافي ولا فيها هزيل
والبير جـــم وجاد بالشعر الجـزيل =حبٍ جذبه الشوق بالحبل المتين
بقدومك الميمون يا عـــز الوطـــــــــن = جتك المعاني طرقها بأندى لحن
يا خادم البيتين بالقلب السكــن = نفداك بالعينين يا لأب الأمين
تبوك حيّت بك جميـــــــــــع أديارهـا = أميرها وشيوخها وأخيارها
وبالورد والكادي تفــوح أزهارهـا = تزينت بابها الحلل صاف الجبين
أميرنا طـــــــــــرز ثراهـــــــا بالذهب = كل المشاعر من بهاها تنجذب
نسمــــة هواهـا مثل عطرٍ لانسكب = بوابة لأهل الشمال المخلصين
هلت بكم قواتها أمـــــــــن ودفاع = يا قائدي لك منناسمعٍ وطاع
ياقدوتي بحسن السجايا والطباع = يا عالي الهمة على تقوى ودين
الجيش حيا والحرس وسط الحــدود = بحقل وضبا والوجه ضباط وجنود
درع الوطن للدين بالغالـــي تذود = عز الشريعة مرهبين الطامعين
ياسيدي ماهمهـــم زمرة تخـــــــون = لجل العقيدة كل ما يملك يهون
أرواحهـــم تارد على حوض المنون = واللي قسا بأمر الولي لازم يلين
وهداج تيماء سيدي حيّا بكــــــــم = واملج يغمرها الفرح من حبكم
هذي مشاعر صادقة من شعبكـم = وقفاتهم في شـدة الموقف تبين
وبســم قبائلنا نحيي بك جميع = شيباننا وشبابنا حتى الرضيع
جينا وفا للعهــــد نافي ما نبيع = سلمٍ لنا وسلمٍ لأهلنا الأولين
يوم أنها بالسيف فـوق العاديات = كلن خبرهم بالسنين الماضيات
حريبهم مايهتني بطيب المبات = عزي وذخري باللوازم حاضرين
ربعي بني وائل عريبين النسب =عادتهم يوم اللقاء فك النشب
يوم أنها بالرمح والسيف الحدب = ياما أدحروا بالسيف كيدالمعتدين
وكل القبايل مابها شكٍ وريب = كلـن بنى للمرجلـــة مجدٍ وطيب
عادتهم بالمعركة كسر الحريب = والطيب طبعٍ بالرجال الطيبين
كلي فدا لاطهر ثرى يا سخا ملك = الشعب كله مرخصٍ لك ما ملك
عدلك وصدقك للمعالـــــــــي وصلك = تفخربك الأمه وكل المسلمين
المملكة بقيادتك باعلــى قمم = دستورها القرآن قـــدوة للأمم
وسكانها أهـــــل المكارم والشيّم = حمّاية البيتين والدرع الحصين
يا سيدي يا عـزنا وقت اللزوم = يا كاسب النوماس يا لقلب الرحوم
يا شامخ الهامة عسى عمرك يدوم = فيك التسامح والأبوة ميزتين
يمناك ينبوعٍ سقت أرضٍ جفـاف = واللي نفقر عاش الغنى بعد الكفاف
نايف وطيبك ياعريب الجد ناف = ويشهد على ما قول كل الحاضرين
سلطان يا حرٍ علـــــى القمة شهــر = ياعــــــــزنا لصارت الدنيا خطـــــــــر
أقولها مــــــــن قلب صادق وأفتخـر = ولاهي غريبة فيك يا حام العرين
ولي عهد المملكة نسل الزعيم = يبشر بعزك من لجالك مستظيم
يا مكفكف الدمعات عن عين اليتيم = يا راسم البسمة على وجه الحزين
نسل الإمام اللي أعتلا فوق السحاب = وحد قبايلها على ظهور الركاب
يضــرب على الكايد شجيعٍ ما يهاب = ريف الضعيف اللي شكى مر السنين
صقـــــر الجزيرة شع مجــده بالرياض = وخلف لنا تاريخ زاهي بالبياض
عـم العـــوالي والنـــوابي والفياض = عقب العداوه عزت اليمنى يمين
جمّع شتات وعانق سهيل الجـــــــــدي= والجهل ولـّــــى والظلام السرمدي
ولله رب الكون وحــــــــــده نسجـدي = الخالق المنان ذو العرش المتين
والحمـــد لله حكمنا بشـــــــــــرع الإله = الواحــد المعبود مانعبد سواه
وختامها أزكى سلامــــــــي والصلاة = على النبي مبعوث رب العالمين

المهاجرة 02-06-2011 04:47 AM

رد: ديوان :(بدر بشير التركي)
 
http://www.alq9em.com/up/uploads/ima...41d95b15b8.jpg
الوطن بالعين


لاح برقٍ باالسما والسحـــــايب خيمن= والعروق أستشرت في قدوم أهدابها
والطيور من الفرح في هطوله ينشدن= وارتدت شبه الجزيـرة حسين ثيابها
والخما يل بالورود النديــة أكـــــــتسن= وكل ماذعذع شــذا هاجسي يسلابها
والخواطر من بحـوري لدري ينضمن= والنوادر كل قمــــــــة علت مرقابها
عن خفا قلبي مشاعر صدوقــة عبرن= والحروف من الفرح رحبت بأحبابها
عودته سالم لنا سيدي لأرض الوطن= كل شعـب المملكــــــــة جيتــه حيابها
جيته للمملكة ماتقـــــــــــــدر في ثمن= ياهلا بدرع الوطـن سيفها وانصابها
الفرايد سيـــــــــدي عن ولانا يعجزن= والمشاعر مانصفت بالغــــــلا كتّابها
لخادم البيتين كل المواقف يشهـــدن= وقفته أروع مثـــل للقيــــــــم وآدابها
بالحفاوة استقبله والوفا حام الحصن= ولجل شعبه خطــوته ماحسب لاتعابها
التلاحم بيننا مايخلـــــــــــونه خـون=وكل زمـرة فاسدة حاسبين أحسابها
والعمر لأجل العقيـــــــدة ولافينا جبن= والوطـن بالعين وأغطـاه سود أهدابها
يالله أنك تكشف الضّــــر وتزيل الفتن= وتحفظ بلادي مــن الخاينة وإرهابها


الساعة الآن 12:59 AM

Powered by vBulletin® Copyright ©2000 - 2018, Jelsoft Enterprises Ltd.
المقالات تعبر عن رأي كاتبها ولاتعبر عن رأي إدارة المنتدى - منتدى عنزة الرسمي